رئیس ستاد ارتش طالبان از اعزام ۱۰ هزار نیرو به مرزهای شمالی این کشور هم مرز با تاجیکستان و ازبکستان خبر داد.

به گزارش خبرنگار دفتر منطقه ای خبرگزاری فارس، «قاری فصیح الدین فطرت» رئیس ستاد ارتش طالبان گفت: ۱۰ هزار شبه نظامی مسلح به سلاح و تجهیزات مدرن به ولایت های هم مرز با تاجیکستان و ازبکستان اعزام خواهد شد.

اسپوتنیک در خبری با اشاره به سخنان وی افزود: ۱۰ هزار نیروی نظامی با مدرن ترین تجهیزات ناتو و آمریکا، در ولایات شمال و شمال شرقی کشور حضور داشته و در برابر هر عمل مسلحانه اقدام خواهند کرد.

به گفته وی، در کمترین زمان ممکن هواپیماهای جنگی آماده خواهند شد و از این نیروها پشتیبانی خواهند کرد.

گفتنی است ولایت شمالی بلخ افغانستان با ازبکستان، قندوز در ولایات شمال شرقی، تخار و بدخشان با تاجیکستان همسایه هستند.

اعزام نیروهای طالبان به شمال افغانستان و هم مرز با تاجیکستان در حالی است که تاکنون روسیه با اعضای کشورهای پیمان امنیت جمعی در مرزهای تاجیکستان چندین رزمایش برگزار کرده است.

انتهای پیام/ح