وزیر خارجه پاکستان در دوشنبه پایتخت تاجیکستان با رئیس جمهوری این کشور دیدار کرد. تاجیکستان تاکید کرده که تاجیک ها در دولت افعانستان باید «جایگاه شایسته» داشته باشند.

به گزارش ایسنا، شاه محمود قریشی، وزیر خارجه پاکستان با امامعلی رحمان، رئیس جمهوری تاجیکستان به بررسی مسائل افغانستان پرداخت.

رئیس جمهوری تاجیکستان در این دیدار تاکید کرد، برای حل فوری مشکلات سیاسی و امنیتی افغانستان باید زودتر یک دولت فراگیر با حضور همه اقلیت های موجود در این کشور ایجاد شود.

به نقل از بی بی سی، در بیانیه دفتر مطبوعاتی ریاست جمهوری تاجیکستان آمده که وضعیت فعلی افغانستان از موضوعات اصلی در دیدار محمود قریشی با امامعلی رحمان بوده است.

رئیس جمهوری تاجیکستان گفت: کشور همه گونه بی قانونی، قتل، غارت، تعقیب و ظلم علیه مردم افغانستان به خصوص تاجیک ها، ازبک ها و اقلیت های دیگر ملی را قاطعانه محکوم می کند.

عصر امروز محمود قریشی در ادامه سفر منطقه ای از دوشنبه به تاشکند پایتخت ازبکستان رفت.

قریشی در توییتر نوشت، در دیدار با رئیس جمهوری تاجیکستان و همچنین با مقام های ازبکستان در مورد افغانستان و به ویژه «دولت همه شمول» صحبت کرده است.

تاجیکستان تاکید کرده نظام جدید سیاسی در افغانستان از راه همه پرسی و با در نظر داشت دیدگاه های تمام شهروندان این کشور مشخص می شود.

در بیانیه دفتر مطبوعاتی ریاست جمهوری تاجیکستان آمده است، هیچ گونه حکومت دیگر را که در این کشور با راه ظلم و تعقیب بی درنظر داشت موقعیت کل مردم افغانستان به خصوص اقلیت های ملی آن تاسیس داده می شود، به رسمیت نخواهد شناخت.

تاجیکستان از جامعه جهانی دعوت کرده برای تحقق صلح در افغانستان و عادی شدن اوضاع از راه مذاکرات تدابیر فوری را در دست بگیرد.

به نوشته رسانه های دولتی تاجیکستان، در دیدار رئیس جمهوری این کشور با وزیر خارجه پاکستان آمادگی برای دیدار رسمی عمران خان نخست وزیر این کشور از تاجیکستان هم بررسی شده است.

قرار است این دیدار عمران خان از تاجیکستان در روزهای برگزاری اجلاس شورای رهبران کشورهای عضو سازمان همکاری شانگهای در شهر دوشنبه در ۱۶ و ۱۷ سپتامبر صورت بگیرد.

به گفته قریشی، جامعه جهانی باید با طالبان در تماس باشد.

وزیر خارجه پاکستان گفته که کشورش می خواهد در تحقق صلح در افغانستان سهیم باشد.

او اظهار امیدواری کرد، کشورهای دیگر منطقه نیز چنین رفتاری داشته باشند.

انتهای پیام