منطقه نظامی مرکزی روسیه امروز پنج شنبه اعلام کرد، جنگنده های سوخو-۲۵ روسیه برای مشارکت در مانورهای نظامی در نزدیکی مرز با افغانستان، از قرقیزستان به تاجیکستان منتقل شدند.

به گزارش ایسنا، به نقل از خبرگزاری اسپوتنیک، این منطقه نظامی روسیه اعلام کرد: جنگنده های سوخو-۲۵ از پایگاه نظامی روسیه در قرقیزستان به پایگاه هوایی آینی در تاجیکستان برای مشارکت در یک مانور سه جانبه که قرار است از پنجم تا دهم اوت در منطقه ختلان برگزار شود، منتقل شدند.

نیروهایی از روسیه، تاجیکستان و ازبکستان در این مانورهای سه جانبه مشارکت خواهند کرد.

ولایت ختلان در تاجیکستان، هم مرز با افغانستان است و به تازگی درگیری شبه نظامیان طالبان با نیروهای امنیتی افغان برای این کشور آسیای میانه بیشتر اهمیت یافته است. روسیه حمایت خودش را از کشورهای آسیای میانه اعلام کرده است. به تازگی یک سری از نیروهای امنیتی افغان از دست حملات طالبان به سمت این کشورها رفته اند.

انتهای پیام