سرپرست وزارت امور خارجه افغانستان و دبیر شورای امنیت تاجیکستان در شهر دوشنبه دیدار و در مورد ایجاد کمیسیون همکاری امنیتی تبادل نظر کردند.

به گزارش خبرنگار خبرگزاری فارس در دوشنبه، «محمد حنیف اتمر» سرپرست وزارت امور خارجه افغانستان و «نصرالله محمودزاده» دبیر شورای امنیت تاجیکستان دیدار و گفت وگو کردند.

در جریان این ملاقات رئیس نهاد دیپلماتیک افغانستان از حمایت تاجیکستان از مواضع «کابل» در روند صلح و مذاکرات با طالبان قدردانی کرد.

در این راستا، اتمر خواستار همکاری دو کشور در زمینه مبارزه با تروریسم، قاچاق مواد مخدر و امنیت مرزی شد.

دبیر شورای امنیت تاجیکستان به نوبه خود بر اهمیت گسترش تلاش های مشترک در زمینه مبارزه با تروریسم و تامین امنیت مرزها تاکید و آمادگی طرف تاجیکی برای همکاری با افغانستان در این زمینه ها را ابراز داشت.

طرفین طی این دیدار همچنین موضوع استرداد زندانیان، ایجاد کمیسیون همکاری دو کشور در زمینه امنیت و تهیه رویکرد موثر منطقه ای در زمینه مبارزه با تروریسم را بررسی کردند.

انتهای پیام/ح