در درگیری مسلحانه نیروهای دولتی افغانستان با گروه طالبان در منطقه هم مرز با تاجیکستان چندین گلوله به یکی از روستاهای هم مرز در این کشور اصابت کرد.

شلیک گلوله از طرف افغانستان به منطقه «درواز» تاجیکستان

به گزارش خبرنگار خبرگزاری فارس در دوشنبه، در پی درگیری مسلحانه نیروهای دولتی افغانستان با گروه طالبان در منطقه هم مرز این کشور با ناحیه «درواز» استان بدخشان تاجیکستان چند گلوله نیز به خانه های ساکنان یکی از روستاهای این ناحیه اصابت کرده است.

گلوله ها به منزل دو ساکن روستای «رزوی» ناحیه درواز استان بدخشان تاجیکستان اصابت کرده ولی هیچ خسارات جانی و مالی را در پی نداشته است.

مقامات تاجیکستان می گویند که ظاهرا شلیک گلوله ها هدفمندانه صورت نگرفته، بلکه حین زد و خرد نیروهای دولتی افغانستان با گروه طالبان تصادفا به سمت این کشور شلیک شده است.

بنابر اظهارات مقامات ذیربط تاجیکستان مرز این کشور با افغانستان تحت کنترل قرار دارد و هیچ تلاشی برای عبور مرز از سمت کشور همسایه ثبت نشده است.

باید گفت که پل دوستی که ناحیه درواز استان بدخشان تاجیکستان را با ولسوالی درواز ولایت بدخشان افغانستان ارتباط می دهد در همین روستای «رزوی» که اخیرا مورد اصابت گلوله قرار گرفته، واقع است.

زد و خورد مسلحانه نیروهای دولتی افغانستان با گروه طالبان در حالی در مناطق هم مرز این کشور با تاجیکستان صورت می گیرد که مورخ ۲۹ فوریه سال جاری آمریکا با گروه طالبان در مورد صلح در این کشور توافقنامه به امضا رسانده است.

تاجیکستان با افغانستان بیش از ۱۴۰۰ کیلومتر مرز مشترک دارد.

انتهای پیام/ح